تجربتي سحب ارباح يوتيوب - كوكل ادسنز في العراق
طبعا الموضوع رح اكتبة كما هوا وبالعامية حتى اوصلك الفكرة ممكن يكون طويل للبعض بس كتلك حتى ابين الك اني شسويت بالتفصيل
طبعا بالبداية راسلت جميع المصارف لكن رح انزل مراسلتي للمصرف الي استلمت منه الارباح
 |
بعد المراسلة بيوم رحت لفرع مصرف التنمية وكلي امل انو اسوي حساب توفير واسلتم فلوس لكن تفاجئت انو يردون مني هوية عمل فكلته ماعندي هويه عمل واني اريد اسحب ارباحي على اليوتيوب كلي زين هوية طالب ف شوته هوية الطال ولكن للاسف صلاحيتها كذلك ل2019 يعني منتهيه صارلها اشهر وهنا قفلو ميقبلون يسوولي حساب وضليت الح والحمد لله تذكرت اخذت وياي الصك الي وصلني من يوتيوب طبعا هنا كانن صكين لكن للاسف الصك قديم من سن 2016 واني رحتلهم ب 2020 فكلولي احنا منكدر نفتحلك حساب حتى تستلم علية الحوالة الدوليىة لان حتى صكك قديم وشنو يثبت عندك فلوس وتريد تستلمها هنا قفلت من صدك هههه
كتلهم زين اشوفكم حسابي الاعلاني الي يثبت عندي كذا مبلغ واسمي موجود ف اهنا اقتنع فرجعت للبيت صورت قناتي سكرين كذلك لوح الاحصائات وبينت المبلغ الواصلني و فتحت كوكل ادسنس صورت اسمي والمبلغ و طبعتهن على ورقة A4 ووديتها الهم اهنا هسه الحمدلله اقتنعو وفتحولي حساب بس طلبو يسحبون الصك القديم ههههه كتلهم ما انطي استنسخو الصك وهاي هيه
بعد مافتحت الحساب وانطوني رمز السويفت وال pin ضفتهن لكوكل ادسنسس والحمد لله خلال اسبوع استلمت الفلوووووس
طبعا المصرف اخذ مني عمولة تقريبا 85 دولار يعني نسبة 15%
لذلك حاولو تشوفون اي مصرف عمولتة قليلة مو بالضرورة التنمية وانتو هسه عرفتو الطريقة وشلون تسوون المستمسكات المطلوبة والوثائق واخيرا صدك نسيت اكلكم يردون منكم جواز سفر والعمر لازم يكون فوك 18 سنة
هسه ياحلوين بما اني فدتكم بهالموضوع صيرو شرفاء واشتركو بقناتي على اليوتيوب واي استفسار تحتاجون تكدرون تراسلوني انستكرام حسابي 1e0e وهذا الجوه رابط قناتي اشتركو لتصيرون ناقصين -_-
اذا كان لديك اي استفسار حول الموضع اكتبه هنا في التعليقات و لاتنسى زيارتنا مرة اخرى بمجرد كتابة1E0E.ME في جوجل سوف نكون بين يديك